©¦¦© كوكتيل نكت ©¦¦©

[imadinho]

السلام عليكم و رحمة الله

هاني جبتلكم كوكتيل ديال النكت عاود

قال ليك هادا واحد الاستاد رسم للتلاميد ضفدعة وقال ليهوم اش هادي

وهو ينوض واحد الكسول للسبورة وهو يقول ليه هادي قرقرة المهم الاستاذ شبعو مسلوت قال ليه
هادي راه ضفدعة و هو يرجع داك الكسول لبلاصتو وقال لصاحبو دين مها شوف ماشي تبان كي لقرقرة

---

قالك هدا واحد مبوق قال لصاحبه حلمت اننا ولينا فنانين انت فنان تشكيلي وانا فنان نشكيلك

---

مريكاني حكمو عليه اعدام فالمغرب.. اختار يموت بغرفة الغاز.. دخلوه لبيت ماعندو سقف.. قال فراسو مغاربة مكلخين غرفة الغاز مافيها سقف…واحد شوية لاحو عليه بوطاكاز كبيرة

---

واحد النهار واحد الدري صغير مشا عند الحانوت قالو عندك القبولة ديال 5 دراهم بغيت نضحك مع الدار
قاليه مول حانوت زيد عليها 5 الدراهم و شري بوطا صغيرة و ضحك مع الدرب كامل

---

واحد مكلخ جالس مع صحابو او هما يبداو كيتكلمو على المنطق هو ما فهم والو او هو يسول واحد حداه او قال ليه « من صباح او نتوما كتهدرو على المنطق او انا غير كانشوف فيكم اشنو هو النطق؟ »او هويقول ليه « عندك بريكا » قال ليه واه او هو يقول ليه « يعني كتكمي  » قال ليه واه قال ليه « يعني كتجلس فلقهاوي » قال ليه واه قال ليه » يعني كتبقا حاضي الي غادي او الي جاي » قال ليه واه قال ليه « يعني كتصيد لبنات » قال ليه واه قال ليه يعني « انت راجل » قال ليه واه او هو يقول ليه هادا هو المنطق من بريكا عرفت عليك كلشي .او هو يمشي عند باه قال ليه واش عندك بريكا قال ليه لا او هو يقول ليه يعني انتا ماشي راجل

---

قاليك واحد النهار بغاو يجربو يوصلو لشمس
حتى واحد ما بغا يطوع
جا واحد المبوق مغربي قاليهم انا غادي نمشي
المهم سيفطوه ، و داك الصاروخ طاح أون بان و جا فصحرا ديال مصر
خرج داك المغربي دايخ و يلقا واحد السيد بحمارو
داك السيد قالو حاتموت من الشمس
و المغربي قالو : متشرفين حشحوش من الأرض

---

قالك واحد النهار العالم اتفق و هاد شي نادر باش يتافقو
على يصنعو أقوى صاروخ في العالم
المهم أمريكا جابت الأدمغة ، أوروبا جابت المادة الأولية
دول الخليج ساهمو ماديا ، اليابان جابو التكنولوجيا و بداو خدم ياما تخدم
فالتنالي ملي كملوه
لقاو المغربي جاي من بعيد و جايب فاليزة
قالو ليه راه صافي كملنا كلشي ما عند ما دير
قالهم عندي
و هو يجب ورقة و يعلقها على الصاروخ فيها
صنع في المغرب.

---

واحد النهار خويتنا لبراكنة (فقط للفرفشة لا غير) صنعو قنبلة نووية
أو
خرجو من الجنب هادو
المهم امريكا سمعت بالخبر جاو العلماء يجيو
ملي فحصو المعادلات لقاو داكشي نيشان
المواد هما هادوك
قالوليهم باقي دابا غي نمشيو نججربوها فصحراء نيفادا
واحد البركاني ينقز : ألا خويا تصنعت فبركان تردك فبركان

---

قالك واحد السوسي كان ناعس مكوفش و حس بشي حركة فالحانوت ديالو
المهم جا نايض ويفتح الحانوت لقاه يصفر ما فيه والو
بلع الباب و رجع لناموسية و تغطى مزيان و قال يا ربي تخرج هاد المنامة على خير

---

واحد النهار واحد الصومالي همل فالغابة
شاف الاسد جاي و هو يدير براسو ناعس
ملي وصل عندو الاسد شافو هزو سلم عليه و حطو فوق الشجرة
هههههههه يحافظ على النعمة (خبز محروق)

---

واحد الدري مبلي بالبلاي ستايشن
واحد النهار باه مات
و هو يكتب على قبرو
GAME OVER

---

قالك فامتحان فالعروبية
جاهم سؤال فيه كم عدد أرجل المعزة
كاع دارو عند صاحبهم جيلالي يقولهم على الجواب
ساعة والو
ملي خرجو دارو فيه
قالهم و الله العظيم غي سمحولي الاستاذ كان حدايا و ماقديتش نخرج المعزة

---

فامتحان ديال الفرنسية
واحد بنادم ما قفل حتى حاجة ، و كانت قدامو دية غي تكتب
عيا فيها عطيني سؤال واحد ، عطيني سؤال جوج ماداتهاش فيه
ملي جات نايضة شافت فيه قالتلو بون شونس
و هو يقولها السؤال الاول ولا الزاوج ؟

---

واحد بنادم مبوق مشا لعند مول حانوت قالو عطيني بوطة كبيرة
مول حانوت قالو و القوسيني
المبوق قالو لا غادي نشربها هنا

---

قالك واحد النهار واحد بنادم دايما يلبع فواحد الخزنة ديالو و يجي خارج
واحد النهار نسا المفتاح
و مراتو مشات تبقش فديك الخزنة
لقات 20 مليون درهم و جوج بيضات
ملي رجع سولاتو
علاش دوك الجوج بيضات ، قالها الصراحة كنت كل ما نخونك نحط بيضة فالخزنة
قالتلو ياااااااااااااه 30 عام عشرة و خنتني جوج مرات ماعليش ا سيدي
و ديك ال 20 مليون؟؟
قالها كل ما نكمل كارتونة نبيعها

---

واحد المسخوط طلع لطوبيس لقا واحد الدرية جحالسة
شاف فيها و هي تشوف فيه
غمزلها و هي تردلو الغمزة
ضحكلها و هي تردلو الضحكة المهم شير لها فالمحطة لي مور
هي نزلت و هو مشى جلس فبلاصتها

---

واحد النهار واحد العروبي ماشي يوصل كاميونة عامرة فلالس (كتاكيت)
المهم وصل الباراج اللول قالولو : واشتا توكل هاد الفلالفس ، قالهم الذرة ، و هما يقولولو ارا بروصي 200 درهم الفلالس باكلو النخالة
المهم عطاهم البروصي و جا غادي وصل الباراج الزاوج ، قالولو واشتا توكل هاد الفلالس، قالهم النخالة
قالولو ارا بروصي الفلالس ياكلو الدرة ماشي النخالة
المهم عطاهم بروصي و زاد فحالو
وصل الباراج الثالث قالولو واشتا توكل ها د الفلالس
قالهم شوفو انا صباح بكري نعطيهم 3 دراهم و كل واحد يشري لي بغا

---

[ayman]

@imadinho wrote:

قال ليك هادا واحد الاستاد رسم للتلاميد ضفدعة وقال ليهوم اش هادي

وهو ينوض واحد الكسول للسبورة وهو يقول ليه هادي قرقرة المهم الاستاذ شبعو مسلوت قال ليه
هادي راه ضفدعة و هو يرجع داك الكسول لبلاصتو وقال لصاحبو دين مها شوف ماشي تبان كي لقرقرة

😆 😆 😆

[Cerise]

llah ya3tik lkhir wa3rin 😆

[Cerise]

واحد مكلخ جالس مع صحابو او هما يبداو كيتكلمو على المنطق هو ما فهم والو او هو يسول واحد حداه او قال ليه « من صباح او نتوما كتهدرو على المنطق او انا غير كانشوف فيكم اشنو هو النطق؟ »او هويقول ليه « عندك بريكا » قال ليه واه او هو يقول ليه « يعني كتكمي  » قال ليه واه قال ليه « يعني كتجلس فلقهاوي » قال ليه واه قال ليه » يعني كتبقا حاضي الي غادي او الي جاي » قال ليه واه قال ليه « يعني كتصيد لبنات » قال ليه واه قال ليه يعني « انت راجل » قال ليه واه او هو يقول ليه هادا هو المنطق من بريكا عرفت عليك كلشي .او هو يمشي عند باه قال ليه واش عندك بريكا قال ليه لا او هو يقول ليه يعني انتا ماشي راجل

😆 😆

[Auteur]

Messages