السلام عليكم و رحمة الله
أقدم لكم مجموعة من النكات الظريفة الخفيفة
و اتمنى أن تنال إعجابكم
1- واحد النهار واحد السيدة ما فيها ماا يتشاف ، دخلت واحد الدار مهجورة و قالت بسم الله الرحمن الرحيم
خرجلها واحد الجن و قالها : أ شكون داها فيك
2- ولد نانسي عجرب جالس فالقسم و يبكي، جا عندو المعلم و قالو مالك ا ولدي؟
الولد قالو: بغيت ماماااااااااااااااااااااااااا
المعلم جاوبو: ا ولدي كاع بغينا ماماك بصح ما كانبكيوش هاكا ههههه
(ما كذبتش ا خويا المعلم)
3- واحد السيد عرف الرقم ديال واحد الجن ، بقى كل 5 دقايق يسيفطلو ميساج فيه : بسم الله الرحمن الرحيم.
4- الزوجة : علاش قطعت من المجلة المقال الذي عنوانه ( كيف تعيش مائة سنة )
الزوج : خفت تقراه أمك.
5- واحد السيد كان فاسبانيا و جاه الاحباط و اليأس و قرر ينتحر، مشى لواحد العمارة و بغا يرمي راسو من تمة
تلامو الاسبان و بقاو يزاوكو فيه، شرح لهم الوضعية ديالو ،واحد من دوك الناس لي لتحت عطاه بزاف الفلوس.
المهم السيد دار لاباس و رجع للمغرب، واحد النهار لقا راسو مفلس ، ما فجيبو حتى ريال
بغا يدير اللقطة ديال اسبانيا ، مشى لعمارة فالمغرب و بغا ينتحر
تلامو عليه الناس ، واشتا كاين ؟
باغي ننتاحر لاحقاش ها علاش و ها علاش
واحد من دوك الناس لي لتحت قالو :
تسان طيح طيح نشوفوك كي غادي دير.
6- واحد الاستاد قال لتلاميذ دياولو. غادي نوريكم 3 انواع ديال الزعفات
اتصل بواحد النمرة او جاوباتو بنت قال ليها كاين حميد، قالت ليه لا ماكاينش (زعفانة)
قال ليهم هدي 1
اتصل بنفس النمرة او جاوباتو نفس بنت قال ليها كاين حميد، قالت ليه لا ماكاينش مالك صدعتينا (زعفانة اكثر)
قال ليهم هدي 2
اتصل بنفس النمرة او جاوباتو نفس بنت قال ليها كاين حميد، قالت ليه لا ماكاينش الحماااااااار(زعفانة بزاف)
قال ليهم هدي 3
واحد التلميذ قال للاستاذ انا غدي نوريك الزعفة الرابعة
اتصل التلميذ بنفس النمرة او جاوباتو نفس بنت قال ليها انا حميد، واش اتصل بيا شي واحد، او هي…………
