نكت مغربية اصلية
- Ce sujet est vide.
-
واحد راجل تزوج خدا وحدا متدينه مقابله غي الدين ..واحد نهار دخل لدار جيعان قالها وا لمرا كاين شي غدا حطاتلو البيض مسلوق قالها و الكوكوط علاش شريتها باش ديري لينا لمرقا .قاتلو لا الكوكوط كتصفر و التصفار في الاسلام حرام ..قلها ايوا نوضي سيري لداركم حتى يخرجو شي كوكوط
كتوذن عاد اجي
واحد المكلخ كان مردة ورجع بوليسي عطاوه السلاح والمينوط مشى فرحان للدار كي دخل عند مراتو بغا يضحك معاها وفنفس الوقت يفوح عليها ركب ليها المينوط .. ضحك معها وسلا المنوط مبغاش يتحل ليه عيا معاه والو ، في الصباح داها معاه للكوميسارية قالو ليه مالك ؟ قال ليهم لقيتها سكرانة
هذا شي واحد تزوج واحد المرا حاذقة بزاف
الليلة الاولة فاق فنص الليل مشى لبيت الما
ملي رجع لقاها جمعت الفراش وطيبت الفطور
واحد جالس كيصلي في الجامع صونا عليه صاحبو فلبورطابل
سولو افاينك اصاحبي
رد عليه قال ليه راني في التحيات
هذو 2 دراري صحاب شراو دجاجة باش يطيبوها ويقسموها
دار واحد ف لاخور قاليه انا عطيني غي ديك الشي اللي كبدا سميتو بالقاف
لاخور ضرب الحساب قال انا غادي نشمتو …
….سمية القاف قليلة في الدجاجة
ملي وجدت الدجاجة قال ليه هاك ها اللي طلبتي ها القنصة ها القرجوطة ها القلب
دار فيه صاحبو اللي طلب القاف قال ليه
زيدني القدم اليمنى والقدم اليسرى والقفص الصدري
…………..((اش خلا ))
ضار فيه لاخور طالع ليه الدم قال ليه
ايوا صافي ………..سميها
…قجاجة وخوذها كاملة
enjoy
- Vous devez être connecté pour répondre à ce sujet.