[figuig-oujda-oran]

@manara wrote:

bessa7 ra8 kayen sujet 3la la8ja nta3 oujda kanet 7attata8 notre princesse dahlia 😉
http://forum.oujdacity.net/oujda-discussion-2316.html

iwa kindirou 😥 😥 🙄

😉 😉

انا عضو جديد معلاباليش كاين موضوع مشابه 😳

[figuig-oujda-oran]

@manara wrote:

يالهي (يا ويلي) / يا حوجي او حوجي يانا

voilà un synonyme li8a
wa madda7kouch 😆 😆
we yaaaaaaaaaa
gli3i bel gli3
😆 😆
et des fois on ajoute 😆 😆
enass unadbou 8ak we ana nendab 8ak 😆 😆

😆 😆 😆

الله يستر من النديب

ربي يحفظك عالاضافة الطريفة 💡

تحياتي

[figuig-oujda-oran]

@imadinho wrote:

ممكن ترى العديد من الفتيات أو الشبان لا يعرفون التقاليد
و السبب عدم تعليم أباءهم لهذه التقاليد أو التأثر بموجات الموضة

المهم أنا و اعوذ بالله من قول أنا
تربيت في عائلة وجدية ، تعلمت منها حب وجدة و كل ما هو وجدي
لدرجة الجنون
و هناك الهعديد من الشباب مثلي
صحيح لكل شاب ميولاته الموسيقية لكن صدقني عندما تنطلق موسيقى العرفة أو العلاوي
قسما بالله تجدني شاد عصا و جباد بالسبايسية و العرايشية
ذلك لأننا تربينا في ذاك المناخ و من الصعب على الانسان أن ينكر أصله

فيما يخص بناتنا و الله العظيم كاينين بزاف ديال الفتيات لي تعرف دير البكبوكة و تقنة و كاران
راه كاينين لي دخلو لمدينة وجدة آتيين من الغرب هما لي ما يعرفوش أو يجهلون هذه الأكلات التقليدية الوجدية

فيما يخص اللباس الوجدي
فالعرس غاب عليه حتى العرفة و أبكي عندما أشاهد الدقة المراكشية في حين العرفة ماكايناش
أما الراي فمن ملوك الراي لي كنا نعرفو من الشاب ميمون و الشاب خالد و الشاب مامي
لراي عروبي لا كلمات لا ألحان ، تحشم تسمع للاغاني و تقول من وجدة

هو كلشي بيد الشباب الى بغاو يرجعوا التقاليد
لكن اغلب شباب اليوم متأثر بالموجة الغربية (النصارى)

في خاطر imadinho ما له ثاني 😆

يعطيك الصحة خويا

كلامك صحيح مانيش عارف الى بنات اليوم يعرفو يوجدو هذا الاكلات 😥

عموما ما قلت واشتا هي فرقتك المفضلة 8) انا نحب نسمع بني يزناسن من بركان 😛

بالنسبة للاعراس فعلا هذي ماساة كيجيو هذو الدقة المراكشية كيعملو جيرانك عرس ويطبلو لك قدام البيت تجيك الفقعة 👿 بغي تخرج عندهم دير هذيك اللقطة نتاع بلا حدود
واش صحاب روحكم قدام سيد الهواري ايا روحو سيدي حسني طبلو تماك ولا نخسرلكم وجهكم ما تقولو الواحد راكد ولا مريض
😆 😆 😆 😆

الله يهدي شبابنا وصحيت خويا على مشاركتك

تحياتي

[figuig-oujda-oran]

@imadinho wrote:

امرحبا يا خويا
الصراحة كل ما ذكرته في موضوعك متفق معك فيه
فلهجة الوجادة كا يقولو عليها بحال الدزايريين ، و الدزاريين كايقولو على صحاب وهران و تلمسان مغاربة

و المشكل كيما قلت أن هذه المنطقة كغيرها من مناطق العالم متجانسة لنا نفس التقاليد و نفس اللهجة و نفس العقلية
و هذا ليس في منطقتنا بل في كل بقاع العالم

اضافة الى ذلك فلهجتنا حارة و قاسحة
فيها نوع من العنف أو الاعتداء هههههههههه هادي غي الهدرة
أما العقلية متعصبة و قوية ، يكفي جوج هدرات تلقى بنادم تشعل

و هذا ما يلاحظ علي عندما أكون مسافر في الصيف
حيث كا نجتمعوا بزاف ديال الاصدقاء من جميع بقاع المغرب
هناك اجماع بأن لهجتنا تجمع بين الطرافة و الجدية

و الصراحة ما تكمل العطلة حتى نكون عديتهم بمصطلح واه (نعم)

و هناك ميزة أيضا ان وجدة بناسها يرحبون بالجميع و ولافة

اما اللهجة فالله يهطيك الصحة لي غادي نستحضرو العديد من المصطلحات و طريقة الكلام

كلامك زين ربي يحفظك خويا

والجميع يحسدنا على لغتنا والبعض يعتقد ان الوجدية فيها صلابة وغلاظة وجحافة وهذا صحيح وخاطئ في نفس الوقت

صحيح لانو لهجتنا تميل الى البداوة بعض الشيئ في حين لغة الداخل تميل الى الوسط الحضري

وخطا لانو لغتنا فيها الصدق وعدم التنمق والنفاق كيما لغتهم لانهم معتادين على المجاولة والصواب في حين نحن نقول الكلام بصراحة ولا يهمنا اي شيئ

وما يحزن القلب ان الغريب يحب لهجتنا اما صاحبها فيبتعد عنها

نتمنى ان نستفيد من هذا الموضوع جميعا

تحياتي

[figuig-oujda-oran]

@OUJDI_PUR wrote:

fasolia == loubia

kabouya === gar3a

avec mes salutations ya zehouaniyya

😉 😉 😉 😉

😆 ربي يحفظك يا خويا معلا باليش كي يسميوها بالعربية 😥

شكرا على التصحيح 💡

[figuig-oujda-oran]

@imadinho wrote:

السلام عليكم و رحمة الله

تقريبا نفس الفكرة كنت قد طرحتها فواحد الموضوع قبل

و كانت تشير لنفس المعطيات
حين غابت عن وجدة ملامح الأصالة و التقاليد
عن نفسي أعتز بمغربيتي و انتمائي لمدينة وجدة و لقبيلة بني زناسن
و هذا يعني أنني لن أتخلى عن لجهتي الشرقية القحة و لو مانعرف شنو

أنا اعلم ان لالة منارة فهمت غلط
نحن لسنا ضد المغربي أو الجزائري و لكن القضية قضية مدينة بحالها تخلت عن تقاليدها
لدينا لهجة خاصة و لدينا تقاليد خاصة
تم حذفها عن طريق ادخال تقاليد المدن الأخرى

كما تم نسيان العرفة و العلاوي و بقاو فالراي العروبي لي مصطلحاتو أخجل حتى من سماعها

كيما قلتي أختي منارة
دخلت العولمة من هاد الباب صافي
نقول سلام على التقاليد ديالنا
و لكن واخا هكاك انا باقي متشبث بتقاليدي كوجدي حر و زناسني مخزز

مشكور لمرورك خويا وربي يحفظك

واحييك على ثباتك وحفاظك على هويتك وغيرتك على تقاليدنا

للاسف امور كثيرة ضاعت الموسيقى الطبخ اللباس الكلام وامور انقرضت وامور تحتضر

اسال اي بنت اليوم تحضر لك تاقنتا او البكبوكة او كاران او الكرشة ستستغرب من هذه المصطلحات كانها دخيلة

اذهب اي عرس ولاحظ اذا العروس تلبس كسوة وجدية او الشدة التلمسانية والله لن تجد

اسمع ماذا يستمع الشباب اليوم لن تجد فولكلور ولا غرناطي ولا هم يحزنون وحتى هذا الشباب اليوم الذي يدعون غناء الراي والراي منهم براء كما قلت يستحي الشخص ان يستمع لهم

اتمنى من الله ان يرحمنا و يلطف بنا

ونشالله خير ووجدة راجعة باذن الله

تحياتي

[figuig-oujda-oran]

@manara wrote:

@figuig-oujda-oran wrote:

تفضلوا للنقاش

ba9uin l3arfa fi oujda wella la???

we dork wash khassna ndirou?
la drogue et la mendicité men 9allat lkhadma!!!
khassna ( la communauté li 8na) ndirou jam3iyyat lilmosa3ada
la wjada 8naya bezzaf
law kan ga3 netlamou we ndirou chi 7ajja we nsa3dou koutna
8adi fikra jatni
we golt8a
walfa9r wal bitala 8ia sabab
we 8adouk li yjiw wa linta sammit8om berraniyyin
wash bghitna ntardou8oum
ra8om mgharba kifna
mab9atch fella8ada dork
b9at fel 3amal wel khadma
3ti la nass khadma we tchouf ila ma8adrolakch 7atta besbaniouliyya 😆 😆
al mo8im mandonnoch bach oujda terja3 kima kanet
m3a l3awlama zaydoun
iwa ghi Alla8 ya7fad 😉
Alla8 ya8dina kamlin

مشكورة لمرورك اختي منارة

اولا العرفة موجودة مي ماشي كيما من قبل الفرق اليوم تعد باصابع اليد الواحدة و الناس ولاو يجيبو اجواق الشعبي والدقة المراكشية في الاعراس والعرفة اصبحت في خبر كان مع انها احسن حال من النهاري والمنكوشي والعلاوي والقصبة والشيوخ التي شارفت على الانقراض.

ثانيا مساعدة وجدة تتم بتكاتف الجميع لان الجميع يتحمل المسؤولية ولا يمكن لاطراف محدودة الامكانية انقاذ هذا التراث بل يجب على المسؤولين ومنظمات العمل الجمعوي الاتفاق على خطة متكاملة لانعاش المدينة

ثالثا وجدة ولافة ومدينة الخير وفاتحة اذرعها للجميع مرحبا به يجي ويخدم ويزدم ويكسب حلال اما الذين اتحدث عنهم فاقول لكي فقط فقط قومي بزيارة لسجن المدينة وستجدين عصابات ومجرمين قدمت من الغرب والقنيطرة ومكناس والدار البيضاء والجنوب فماذا جاءت تفعل واش جاو يخدمو واش الخدمة عندهم ولا عندنا حنا الله غالب راكي تعرفي وضعيتنا فماذا تفعل عصابات الجريمة القادمة من الغرب وعصابات السحر والشعوذة القادمة من الجنوب للضحك على النساء والمغفلين

اخيرا حتى في زمن العولمة القوي هو من يحافظ على هويته في خضم امواج العولمة والذي يفقدها فلا مكان له بين الامم

تحياتي

[figuig-oujda-oran]

تفضلوا للنقاش

[figuig-oujda-oran]

هههههههههه زينة يعطيك الصحة خويا

[figuig-oujda-oran]

فعلا يا خويا

الدعوة تخبلت هذ الايام

وجدة مهيش كيما كانت من قبل

[figuig-oujda-oran]

صح خويا وعواشركم مبروكة الله يدخلها عليكم بالصحة والهنا

[figuig-oujda-oran]

شعب واحد في بلدين
الجزايريين خوتنا وبني عمومتنا ولكن الله غالب راهم محكومين باشخاص يكرهونا ويحقدو على بلادنا الله يهديهم هما يقولو الماء يولي حليب والمغربي ما يولي حبيب وانا نقولهم حنا عدو وخبارنا في السوق والناس نتاع وجدة الاصليين راهم يفهمو قصدي

[figuig-oujda-oran]

على عينيك ابن عدي…..يعني امام العلن

خوذ الواد اللي يبكيك لا تخوذ الواد اللي يضحك بيك…..اقبل النصيحة التي تؤلمك وليس التي تمدحك

اللي دارها بيديه يفكها بسنيه……من وضع نفسه في مشكلة فيجب عليه حلها بنفسه

فوق فكيك….يقال لمن حالته المادية جيدة جدا

حوحو يشكر روحو…..وكذلك يقال كل خنفوس عند مو غزال وبالعربية كل اناء بما فيه ينضح

فوت على عدوك جيعان لا تفوت عليه عريان ….لا تظهر بمظهر المذلول امام اعدائك

رواحي يا ما تشوفي ولدك…..يقال للولد الفاسد التربية

وشكرا

[figuig-oujda-oran]

اللي راه يقول اسمو عباس الفا… من بركان راهي غالط هو ما يعرف حتى ويراهي بركان غير ظروف جعلاته يتنخلق في بركان
بالنسبة للموضو هذ الشي معروف الله غالب خويا ما صبنا لمن نشكيو وجدة راحت يامها ونفترظو كاين وزرا من وجدة واش غيديرو والله يا خويا غير يشدو الوزارة حتى هوما ما يقربوش لوجدة وما يعرفو غي مدن الغرب فحال ايلا يتبراو من مدينتهم
واش دار عصمان واش دار حجيرة
يا بن عمي خليها على الله برك راه ما كان والو

[figuig-oujda-oran]

نبشرك بالخير راهي الاشغال جارية لبناء القنطرة الجديدة من طرف احدى المقاولات المحلية

[Auteur]

Messages