[neaen]

بركان مشاركتش هذاك العام، شاركت غي جرادة وتاوريرت وفكيك (تغيبت)، ما كانت لا بركان ولا هم يحزانون، وزيادة بركان معمرنا سمعنا بها ف المسرح، كنا خايفين من أولاد جرادة حيث عندهم صيت كبير فهاد المجال.
لإشارة فالعام لقبل ما نشاركو فيه تكلاسا ليسي سيدي دريس بوجدة 2 ف المغرب مناصفة مع أكادير، ومن لي غلابناهم عرفنا بلي غادي نمشيو بعيد، سعى هذاك العام تلغات التصفيات الوطنية في آخر لحظة. كنا سالينا مع لقرايا لي نجح نجح ولي خسر خسر، وكنا نترينو فمركب ابن سينا.

[neaen]

يجب أن تعرف أن مدينة وجدة تحتل بالطبع المرتبة الأولى في المغرب وإفريقيا وتحتل المرتبة الثانية في العالم بعد مدينة أسطنبول التركية من حيث عدد المساجد بأكثر من 300 مسجد، ولنا أن نفتخر.

إما إن أردت أن أسايرك في إحصاءك للمساجد فيوجد بالقرب مني خمسة مساجد.
أقربهم:
مسجد الإيمان، مسجد الفتح، مسجد الرضى، بحي الفتح لازاري وثلاثة لا أعرف أسمائهم بحكم العمل (نهار كامل يمشي غي فلمدينة، بالمناسبة كنبيع الفولار مع شركة سيمتس فولار المحل ما بين زنقة الذهايبية ودرب لكوير فالوسعة الكبيرة فين سطاسيون ديال البوليس)، 2 بحي السلام لازاري واحد بحي أنكاد لازاري.

خص غي لي يصلي، الجوامع عطى الله الخير.

[neaen]

تقال بزاف تكول راهم يخدمو بالعرض البطيئ، دابا هذي قريب عام ملي حفروا طريطوار ديال الشاريع وكاع باقي ما صاوبوه، كون كانو يخدم على البيض كون راهم كملو، ولا كولي لمغاربا راهم يخدمو غي بنغيز، فهمت المعنى..، هو هذاك.
دابا المسؤولين دارو واحد البروبليم كد راسهم، ما كملوش تا الطريطوار ديال الشاريع لي حفروه هذي عام وخلاوه هكذك ما داروليه والو، وبداو يحفرو فجوايه آخرى، هاذ لي مافهمتهش من هاد المسؤولين، تخاف غي يحفرو المدينة ويخليوها هكذا.
دابا لي شافها يكول عليها ضربتها مريكان.
أجي بعدا يبانولي كلعو الشجر لي كدام بيغ ديل/ أومالاب ماعرفش علاش، هذاك ما بقى فوجدة،

[neaen]

صراحة أن قريت فليسي أسماء مابين 2000ء2003، الصراحة كان ليسي لعجب ، ما يفوتش النهار وما نشوفوش ولا ما نسمعوش بشي حاجة تحير لعقل، (هذا كبدوه معا هذي، هذا ضرب مدير، هذا دابز مع الأستاذ، هذا طردته الأستاذة وهرس الباب، هذو شعلو النار فالمقاعد باش مايقراوش، هذا نكز مع الباب وتلاقى مع البوليس وكبدوه، هذي طردها المدير لحقاش لابسا الميني فيه 10سنتيم، هذا جاب قرقرا لأستاذة ديال الإنجليزية لحقاش مسمومة)، وزيد وزيد.
فإلى اليوم راهم يمشيو تال فيلاج الطوبة، ففوقتنا كانو البنات يتسطرو كدام المكتبة بحال لمحابسية يستناو شي اللطو تهزهم، الله يهزهم واد.
وخا كلشي من هاد الشي كنا نقراو، ربي كان داير البركة.
ومكناش غي نقراو كنا حنا لوالى لدرنا المسرح ف ليسي أسماء فالعم الأول 2001و2002 مع الأستاذ عزيز شهال أو بوعزاوي أستاذ الفرنسية، ودرنا فهذاك العم 2 ديال المسراحيات.
وفالعم التالي درنا كروب جديد ودرنا واحد المسرحية دارت بوم، ومشينا بها في البطولة على مستوى مدينة وجدة وتكلاسينا 1 بعد ما تغلبنا على ليسي سيدي إدريس وليسي الشريف الإدريسي.
ومن بعدها مشينا للجهوي وتكلاسينا للمرة الثانية في المركز الأول بعد ماتغلبنا على جرادة وتاوريرت، وفكيك ما جاتش.

[Auteur]

Messages