تسقط الكوسه
- Ce sujet est vide.
-
يابلدنا ياعجيبه فيكي حاجه محيراني نزرع القمح فى سنين تطلع الكوسه فى ثواني
الكوسه من المصطلحات المصريه الحديثه
والكوسه هي كلمه مصريه بحته غير المصريين اول ما يسمعوها يحسبوها الكوسه الاكله المعروفه لكن الكوسه فى مصر تطلق على شييئين اول شيء اكلة الكوسه ومع العلم انا بحب الفول اكتر من الكوسه ثاني شيء تطلق الكوسه على الكوسه اي الواسطه لو محدش عارف معنى كلمة واسطه اقوله ان الواسطه هي حاجه كدا زي الظلم يعني تروح تقدم فى شغل مثلا تلاقي واحد معاه كوسه واسطه يعني هوه يعين فى الشغل وانت لأ لأنك مش معاك كوسه او ما تعرفش كوسه كتير اوي لما كنت اروح اي حته فى مصر كنت اسمع كلمة معاك كوسه لو قلت لأ ودا كان على طول كان يبقى الرد فوت علينا بكره يا استاذ ولما ذهبت للكويت للعمل لقيتها فيها كوسه برضه وكوسه كتيره اوي كمان وكل العرب اللي قابلتهم قالوا ان الكوسه موجوده فى بلادهم بس بمسمى تاني غير المسمى المصري عشان كدا انا من كرهيي للكوسه قررت اقود حمله ضدد الكوسه شعارها تسقط الكوسه ويحضرني فى النقطه دي الابيات الشعريه دي
للكوسه ف بلادي شئونبتخلي المسنود فرعون
يتفرعن فين مهما يكون
وتخلي الجاهل أستاذ
والأعرج لاعب جمباز
وتخلي الأحول هداف
والكوره الآوت ف الجون
للكوسه ف بلادي شئون
لو تعرف واحد ف الشرطه
راح تخرج من أجدع ورطه
والراجل اللي انت ظلمته
تلاقيه متلقح مسجون
أو تعرف شخصيه كبيره
شغاله ف البنك مديره
راح تاخد من غير ضمانات
كام قرض بمليون مليون
وهروبك طبعا مضمون
ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهريه
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون
ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون
وإذا ساكن ف عماره جديده
وحبيبك راجل مسئول
فسيادتك من غير ما تقول
يركب لك فورا تليفون
ولو انت عندك عربيه
ونمرها سوده بنسرين
حتعدي أجدعها كمين
وحتكسر أوضحها إشاره
ماهو نمرك سوده جباره
ولا تعرف أيتها قانون
ولو انت بتعرف فران
أو واحد بياع جرنان
راح تاخد طلبك وحتمشي
من غير ولا دوشه ولا دور
والناس الغلبانه حتاخد
طلباتها بعدك وتغور
ماهو كله غيرك بيهون
ولو انت زميل الحلاق
راح تحلق اولها زبون
وإذا كنت بتعرف دكتور
حتعيش متطمن مسرور
وحتسلك ف لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
عن شرف المهنه المدفون
لكن لو شاعر غلبان
قلت اللي ف نفسك علطول
حيقولو مين قال لك قول
ويهاجمك مليون إنسان
والتهمه أنك فنان
مش برضه كلامي يا جدعان
حسينه.. ولا أنا غلطان
مش معنى كلامي يا أحبابنا
إن إحنا خلاص اتغربنا
فيه فينا أشراف وكتير
إتربوا على حب الخير
وإحترموا ولادهم والغير
والناس إحترمتهم ولله
الفاتحه على روحهم يلله
المره الجايه باذن الله احدثكم عن مصطلح جديد وهو ( السيكا )
بلدي وان جارت علي عزيزة واهلى وان ضنوا على كرام
- Vous devez être connecté pour répondre à ce sujet.